اعترافاتي من الميدان..

أنا في الميدان..

أيوة بصراحة بيجيلنا أكل لحد عندنا ومش بندفع فيه قرش صاغ...بيصرفولنا كمان لبس...

مش بنتدرب برة البلد ولا حاجة..لكن تدريباتنا هنا..أخدنا تدريبات مكثفة وكتيرة على التعامل في الأماكن الزحمة..

أنا عارف إننا معطلين المرور..بس أعمل إيه؟ أنا ماقدرش أقرر من نفسي..إحنا منظمين وفيه نظام للقرارات...أنا بأنفذ القرارات اللي بتيجي من فوق..وماقدرش أمشي أو آجي الميدان بمزاجي..

قررت أعترف بكل اللي يمكن يخللي شكلي وحش..لكن مش قادر..

أنا حزين وأنا باقول الكلام ده..وانا عارف إن ممكن بلد بحالها تبوظ بسببي وسبب الناس اللي معايا..

أنا كنت فاكر إني شجاع..لكن اكتشفت إني جبان جدا..سامحوني على الكلام اللي يكسف ده...استخدامي للعنف والضرب مش لأني باحب كده..لكن لأني بصراحة خايف...خايف من ناس ممكن تقضي علينا...ناس في منتهى القوة...عندهم كل حاجة تخليهم يجيبونا الأرض...ناس عايزة تحمي البلد ومترابطين جدا...ناس أنا ندمان إني مديت إيدي عليهم...آسف

إمضاء: عسكري*

*اعترافات خيالية ولا تمت لأي واقع بأي صلة