Monday, August 22, 2011

أنا أقدر أموتك!

شارع كلوت بك من الشوارع المشهورة وكان في القرن ال19 من أجمل شوارع القاهرة.. وعلى الرغم من شهرته إلا إن مش ناس كتير يعرفوا عن كلوت بك نفسه.. كلوت بك كان طبيب فرنساوي مشهور وهو مؤسس مدرسة طب قصر العيني في وقت محمد علي.
الدكتور ده كان عايز يعمل تجربة طبية جديدة..فعشان ينفذ التجربة دي لأول مرة وافقوله إنه يستخدم شخص محكوم عليه بالإعدام..
كلوت بك ده طلب من المحكوم عليه بالإعدام إنه يفرد جسمه على سرير العمليات وقال له: إحنا هننفذ حكم الإعدام فيك لكن الطريقة مختلفة شوية.. الإعدام هيكون عن طريق سحب كل الدم اللي في جسمك..الطريقة دي مش مؤلمة بالمرة...مش هتحس بأي حاجة غير شكة إبرة في الأول..وماتقلقش..هكون بوافيك بكل الخطوات واحنا شغالين..
فعلا جهزوا الراجل للعملية دي..نيموه على السرير..ربطوا عينيه..وجهزوا دراعه للمكان اللي هتتعمل فيه التجربة...
الراجل فعلا حس بشكة إبرة عادية..وماكانش صعب عليه إنه يفهم إن دي الكانيولا أو الأداة اللي من خلالها هيسحبوا دمه..
الدكتور التزم بوعده بإنه كان ملازم للراجل طول الوقت وبعد دقايق طويلة قال له: "كده اتسحب من جسمك لتر دم كامل"..
بعد شوية قال له: "كده اتسحب منك 3 لتر دم"..بدأ الراجل يحس ببعض الإرهاق العام وبدأ يعرق..قلبه بدأ ينبض بمعدل أسرع من العادي...لغاية الوقت اللي فيه الدكتور قال له :"كده إحنا سحبنا كل الدم اللي في جسمك.."
بمجرد ما الراجل المحكوم عليه بالإعدام سمع الجملة الأخيرة قلبه كان بالفعل وقف والراجل مات...
كان مبهر جدا ليّ إني أعرف إن الراجل ده مافيش نقطة دم واحدة اتسحبت منه!! الراجل ده مات بشكة إبرة وكلام الدكتور!
كلام بس...تخيل؟
 
 أعرف ثورات شعوب بحالها بدأت بسبب كلمات غير موفقة في خطب لرؤساء وملوك..
شعوب كملت ثوراتها وشعوب وقفت ثوراتها بسبب كلمات...
أحكام القضاء اللي بتنصف أو ساعات بتظلم هي كلمات..
أعرف ناس استدعوهم للنيابة عشان كلمات قالوها أو كتبوها..
فيه ناس اتقتلت عشان كلام قالوه..
فيه ناس قاطعوا فنانين وأعمالهم مش عشان حاجة أكتر من إنهم قالوا كلام ماكانش مفروض يقولوه..
شركات كتير نجحت وغيرها كتير فشلت بناء على نجاح حملات إعلانية مافيهاش غير كلام...
الصحافة والإعلام والإعلان وجزء كبير من القيادة والإدارة والفلسفة والطب النفسي والصداقة والعلاقات وحاجات كتير تانية بتعتمد بشكل كبير على الكلام..

وعلى مستوى أعلى من كده: كلنا عارفين إن صلاتنا ودعواتنا لربنا سبحانه هي كلمات..
الله العظيم القدوس خلق كل الكون بكلمة..

أنا وانت في إيدينا –أو بمعنى أصح- في بقنا سلاح مميت! أقدر أموتك بكلمة..أقدر أحبطك بتعليق سخيف..أقدر أفقدك الأمل بجملة..
لكن الرائع إن نفس السلاح ده ممكن يكون بلسم...أقدر أشجعك بكلمة...أقدر أديلك الأمل بتعليق إيجابي...أقدر أرفعك من حالة صعبة بجملة حلوة...
الكلمة المشجعة هي: ابتسامة منطوقة..حُضن كلامي..قُبلة مكونة من حروف...تصقيف ممكن يتكتب...طبطبة من غير لمس
الوقت اللي بتقول فيه لابنك إنه غبي..انت بتبدأ في حياته نبوءة بتحقق نفسها بنفسها..
 والوقت اللي بتشجعه فيه..انت بتطلق طاقات رائعة للجمال والفن والحرية والحب والإبداع والنضج والانطلاق..لسه حالا وأنا باقفل البوست ده أمي فضلت تشجعني كعادتها..ماما لو بتقري الكلام ده أحب أشكرك على تشجيعك :)
حكيم قالها زمان: كلمة متقالة في مكانها عاملة زي تفاحة دهب في طبق فضة..
أتمنى كلامي يبقى البلسم اللي يشفي...رغم إني أقدر أموتك! :)

12 comments:

  1. Such an amazing and inspiring post. I liked it, but especially this part, it really got me.
    أنا وانت في إيدينا –أو بمعنى أصح- في بقنا سلاح مميت! أقدر أموتك بكلمة..أقدر أحبطك بتعليق سخيف..أقدر أفقدك الأمل بجملة..
    لكن الرائع إن نفس السلاح ده ممكن يكون بلسم...أقدر أشجعك بكلمة...أقدر أديلك الأمل بتعليق إيجابي...أقدر أرفعك من حالة صعبة بجملة حلوة...
    الكلمة المشجعة هي: ابتسامة لفظية..حُضن كلامي..قُبلة مكونة من حروف...تصقيف ممكن يتكتب
    الوقت اللي بتقول فيه لابنك إنه غبي..انت بتبدأ في حياته نبوءة بتحقق نفسها بنفسها..
    والوقت اللي بتشجعه فيه..انت بتطلق طاقات رائعة للجمال والفن والحرية والحب والإبداع والنضج والانطلاق..لسه حالا وأنا باقفل البوست ده أمي فضلت تشجعني كعادتها..ماما لو بتقري الكلام ده أحب أشكرك على تشجيعك

    ReplyDelete
  2. liked so much the extent to which u describe the effect of our tongues,,Yes, it can KILL..I think that the absence of encouraging words even in the absence of criticising can result in the same thing. I believe wrong words can kill and unspoken good words can kill too. With our tongues and our attitudes we affirm others that they are loved, accepted, seen,and appreciated..Also, we have to have attitudes matching our words..it is said that children (& aduls of course) get hurt and are badly affected when they are treated badly like being beaten for example then the parents would hug them and say we love u..that child would grow up with a deep struggle inside..feeling he loves and hates his parents at the same time.

    ReplyDelete
  3. OMG! .. I'm Speechless !!.. It's one of the best articles I've ever read !

    ReplyDelete
  4. رغم ان البوست ده مجرد كلام .. انما ممكن يغير حياة شخص بائس قرأه وهو لا يلقي بالا لما سيجول في خاطره بعد ذلك ... شكرا لك

    ReplyDelete
  5. Am grateful i found my way to your blog, Thx to Sherif :))

    You write every single word i want to deliver may be in better words than i could ever do.

    Simply WOW, and this is not for just this post, the whole blog is more than Awesome.

    You should write more often ;)

    ReplyDelete
  6. GAAAAAAAAAAAAAAAMDA YA MAAAAAAAAAAAGED

    ReplyDelete
  7. Just words but impressed me MUCH !

    ReplyDelete
  8. WOOOOOOOOOOOOOOOOOOOOOW
    really to7fa :D :D

    ReplyDelete