Thursday, July 12, 2012

والحكمة

دعاء السَكينة هو دعاء أو صلاة قصيرة بيرددها مئات الآلاف على مستوى العالم من معتقدات دينية مختلفة.. مسيحيين ومسلمين وغيرهم.. قريبين قوي أو مش قوي من الخالق.. ملتزمين دينيا أو لأ.. بتجمعهم رغبة واحدة في التغيير للأحسن.. مجموعات علاجية من إدمانات مختلفة بتستخدم الدعاء ده في نهاية لقاءات مجموعات العلاج من إدمان الكحوليات أو المخدرات أو الجنس.. بيخاطبوا فيه الله الخالق سبحانه اللي في إيده كل سلطان للتغيير..

كلمات الدعاء مترجمة للغات كتير وبتقول:
اللهم امنحني السكينة لأتقبل الأشياء التي لا أستطيع أن أغيرها
والشجاعة لتغيير الأشياء التي أستطيع أن أغيرها
والحكمة لأعرف الفرق بينهما..

وأي حد بيتوقف للحظات قدام الكلمات دي ممكن يتحير.. "الحكمة" لأعرف الفرق بينهما..

يكاد الواحد فينا يبقى نفسه الفرق بينهما يبقى واضح.. الحاجات اللي أقدر أغيرها كتير.. والحاجات اللي المفروض أقبلها كتير.. وساعات بيبقوا شبه بعض.. فينا ناس قربوا يقولوا "آه لو أعرف الفرق.. آه لو التقسيمة باينة.. يا سلام لو فيه ختم على كل مشكلة أو تحدي أو ظرف صعب والختم ده باين عليه "قابل للتغيير" أو "يُقبل كما هو".. يااه..

في حيرتي لمحاولة تغيير أبويا وأمي.. تصرفات عيالي..شغلي وظروفي المادية.. بلدي.. في حلمي لتغيير فهمي وإدراكي.. في محاولاتي لتغيير حب الناس ليّ.. شكلي.. صحتي..عادات سلبية سيطرت عليّ.. محتاج السكينة عشان أقبل الحاجات اللي ماقدرش أغيرها.. والشجاعة عشان أغير اللي أقدر أغيره..

والحكمة عشان أعرف الفرق..

اللهم امنحني السكينة لأتقبل الأشياء التي لا أستطيع أن أغيرها
والشجاعة لتغيير الأشياء التي أستطيع أن أغيرها
والحكمة لأعرف الفرق بينهما..
ساعدني أن أحيا يوماً بيوم وأستمتع بكل لحظة في وقتها
ساعدني أن أقبل الصعاب وأجتاز فيها لأصل للسلام
ساعدني أن أقبل العالم والناس كما هم وليس كما أريدهم أن يكونوا
ساعدني أن أتغير أنا
واثقا إنك صاحب السلطان
وسوف تفعل كل شيئ حسناً إذا سلمت قلبي وإرادتي لمشيئتك

16 comments:

  1. Amen :) Just what I need...

    ReplyDelete
  2. This comment has been removed by the author.

    ReplyDelete
    Replies
    1. أنا كتبت "الله" بس طلعت بحروف غريبة مش عارفة ليه فاضطريت الغى التعليق...بوست تحفة يا ماجد ..برافو :)

      Delete
  3. We may want the Gov/others to change for us to be ok..??!!!!

    Great article. Thanks.

    ReplyDelete
  4. Amen , Amen .Very touching .What I exactly need.
    Thanks,Maged.
    N

    ReplyDelete
  5. Very nice ya Magooud :)

    ReplyDelete
  6. الواحد كتير بيحس بالغربة
    وسط الناس
    ومطلوب منه ياريت يعرف ينفذ كلامك ده
    يمكن يعيش كويس

    ReplyDelete
  7. حلوة وحقيقية جداً أنا لما بكون متلخبطة ومش طايقة نفسي بسبب عيوبي اللي أنا شايفاها حاجز بيني وبين ربنا برفع الصلاة دي لربنا وبقولوا طمني يارب واعطيني حكمة لفرق بين اللي ماقدرش أغيره وبين العيوب اللي ينفع أشتغل عليها وأغيرها...

    ReplyDelete
  8. جميل

    عزه عارف

    ReplyDelete
  9. اللهم امنحني السكينة لأتقبل الأشياء التي لا أستطيع أن أغيرها
    والشجاعة لتغيير الأشياء التي أستطيع أن أغيرها
    والحكمة لأعرف الفرق بينهما..

    ReplyDelete
  10. يارب اجعلنى اشعر بالسكينة ولو ليوم واحد

    ReplyDelete
  11. على فكرة نص كلامك غلط هو مش صلاة ولا هو مرتبط بأماكن علاجية

    ReplyDelete