في مجتمعات كتير الكلام أهم من الأفعال (يجعل كلامنا
خفيف عليه!).. وكلامنا رائع ومثالي.. معروف إن الكلام أسهل من الفعل.. لكن مصيبتنا
أكبر شوية..
من كام يوم اتفجرت فكرة "التحرش بالنساء"..
وكانت فيه بعض المباحثات اللي بتميل لاستخدام المخ في أقل نطاق.. طبعا مش بنحب
نستخدم المخ كتير عشان مايُرهقش.. عشان نحتفظ بيه بحالة المصنع..
ليه يا ترى المناقشات دي كانت شحيحة الذكاء ومنقرضة
الفهم؟ (!)
لأننا ببساطة مستغربين الظاهرة.. عندنا استنكار رهيب
لفكرة إن راجل يتحرش بسيدة باللفظ أو النظرة أو التلامس.. وطبعا الفكرة مش غريبة
ولا حاجة..
ليه؟
بص على المجتمع وأفكاره.. بص على توجهات الأسر والمدارس
والإعلام وقول لو التحرش حاجة غريبة..
إيه أكتر شتايم وإهانات؟ إهانات بالأم.. مش كده؟ الأب
ساعات بييجي نصيبه في شتيمة ولا اتنين.. لكن القوة تكمن في إهانة الأم (أو الأخت
في بعض الدول العربية).. والغريب إن ده مقبول لكن "التحرش لأ"
مقبول إننا عادي جدا نبقى كل اللي بنتفرج عليه في
الماتشات هو المشجعات.. لكن "التحرش لأ"
مقبول إن في بيوتنا نهين ونحتقر الأم والأخت لكن
"التحرش غلط"..
مقبول إننا نقول للبنات يلبسوا إيه ومايلبسوش إيه.. عشان
الرجالة ماتعاكسهمش.. مقبول إن يبقى فيه عربية للسيدات في المترو وإلا القانون
ماينفعش يحميهم..
والظريف إن مجتمعات الصفوة فاكرين إن "المتحرشين مش
موجودين هنا على تويتر.." و"إنت فاكر المتحرش هيقرا كلامك على
فيسبوك؟" وما إلى ذلك من الاستخدام الاسترشادي للمخ!
المتحرش مريض.. المتحرش ظروفه صعبة.. لازم نقضي على
التحرش... لا يا شيخ؟
إيه اللي يخللي التحرش غريب وغير مقبول في مجتمعنا وإحنا
تقريبا كل حاجة حوالينا بتساعد وتدعم وتؤيد التحرش؟ (وعشان التوليفة تكمل لازم بعض
"الشجب")!
طول ما الست أقل لأنها ست وطول ما البنت هي مجرد شكل طول
ما هفضل خايف على بناتي وإخواتي من التحرش.. وفي نفس الوقت مستغرب إدانة بعض أفراد المجتمع
ليه..
حاجة غريبة قبولنا للتعامل مع نص المجتمع على إنهم أقل
وأغبى وأقل كفاءة.. بس أحلى!!.. وقال إيه "التحرش لأ"!
تدوينة حلوة و افكار واقعية , فكرتنى لما بركب عربيات مترو الرجالة عشان ارتاح من
ReplyDeleteدوشة العيال و الستات الاقى كل الرجالة بتبصلى كأنى كائن فضائى نازلة وش من الطبق الطاير, اسوأ شىء ان القانون فى مصر لا يحمى احد شامل الستات طبعا دا غير
ان امناء الشرطة نفسهم بيعاكسوا البنات
عزه عارف
This is fantastic article. It diged deep in the need for a change. And that start from the home, school, places of worship and on and on.
ReplyDeleteI like the article because it is a voice of someone calling for the change. Fantastic.
وبرده طول ما الناس بتفرح لما تجيب الولد وتشيل الطين لما تجي البنت !!!
ReplyDeleteانا شايف ان المشكله فى الثقافه العامه
ReplyDeleteليه مش بتتكلم عن قضية التحرش بالشباب ؟ و هي لا تقل خطورة عن التحرش بالنساء ؟ عامة فيه مشكلة خطيرة زي ما انت قولت ، ان اعتبار الست كائن اقل بيخلينا نبص لكل حاجه بتحصل لها بشكل مفخم بزيادة او نتاجهلة تماما، او الاخطر تطبيع الظاهرة المش طبيعية .
ReplyDeleteممكن ده يكون مش وقته، بس السلطات الحاكمة في مصر تحترف استباحة الجنسين .
شكراً علي التدوينة
i love it so much, it said exactly much of what i say all the time...
ReplyDeleteنرجع لأساس المشكلة
ReplyDeleteالشيزوفرينا الجماعية
والتمييز
yes
ReplyDeleteVery important article.A needed call for change !
ReplyDeleteThanks.
N
Well said Maged, It is a disaster in the Egyptian society. Unfortunately most of people in Egypt look at women or girls as a sex machine rather than a human being!! This is a proof that we have massive gap between us and the first world countries where women have their rights equally or even more than men!
ReplyDelete