Wednesday, May 16, 2012

من عنوانه

البحث عن الجوهرة هو بحث غالبا بيؤرق ناس كتير.. الجوهرة ممكن تكون أحسن وظيفة أو أحسن زوجة.. أفضل بيت نشتريه.. أحدث كومبيوتر.. ناس مننا تخصصات شغلها بتحطها في مواقف للبحث عن ممثل أو مغني.. موسيقي أو رسام أو الطفل المعجزة.. ولأن الجواهر نادرة غالبا لما بنشوف جوهرة بجد بتلفت انتباهنا.. وقتها الموضوع مش بيبقى محتاج ذكاوة ولا تركيز عشان أشوف إبداع وإمكانية كبيرة للتميز..

وعلى الرغم من إن فيه شبه اعتقاد سائد إن ال diamonds بتتكون من الفحم وبتحمل نفس التكوين لكن اتعرضت لضغط شديد- على الرغم إن الفكرة دي مش أصح فكرة لتكون الجواهر النادرة دي إلا إن معظمنا فاهم الفكرة من ورا التشبيه ده..

سهل قوي أشوف جوهرة وأعرف إنها غالية لما تبقى معروضة أو موجودة في تاج أو عقد ممثلة من الممثلات.. لكن الوقت اللي فيه هشوف جوهرة وعليها تراب وطين يمكن يكون الوقت اللي يفرق بين واحد بيفهم وواحد هاوي..

اتنين من المغنيين الأنجليز اللي أصبحوا حديث الناس خلال أيام كانوا جواهر عليها تراب.. ناس عادية جدا.. ناس عادية لدرجة إن ماحدش ممكن يتوقع منهم أي غنا أو فن.. ناس ممكن يكونوا مثار سخرية ومادة للتندر والتريقة..

الفيديوهين دول لاتنين من أكتر الناس اللي خلال ثواني قليلة تقدر تغير فكرتك عنهم... برنامج شهير اسمه Britain's Got Talent من كام سنة كان ليه الشرف إنه يشوف بالصدفة الجوهرتين دول..






من ضمن النصايح اللي بيقدموها ال estate agents أو السماسرة في أماكن كتير هي إنه "اشتري أوحش بيت في أحسن حتة".. أوحش بيت ممكن تصرف عليه شوية ويبقى فعلا جوهرة..

جوايا وجواك جواهر كتير لسة ماحدش شال من عليها التراب.. لسّة ماجاش الفنان اللي نظرته ماتخيبش.. اللي يعرف الجوهرة وهي لسّة في الطين..

حواليّ في أصحابي وقرايبي وزمايلي في الشغل جواهر.. يمكن لو دققت شوية ألاقيهم.. يمكن لو إديتلهم فرصة هينوروا ويبهروا الكل.. وقتها ممكن ألاقي في ابني والموظف اللي عندي وأصحابي وكل بني آدم شكله عادي جدا.. جوهرة معمولة بفن وبتعبر عن إله مبدع..

مش كل جواب بيبان من عنوانه!

11 comments:

  1. جوايا وجواك جواهر كتير لسة ماحدش شال من عليها التراب
    كلام حلو اوى بيدى امل وثقة بالنفس
    شكرا ليك

    ReplyDelete
  2. Great article.... This needed to be taught in schools, collages, religion institutions so people's eye would open.
    Work in progress. Thanks Maged

    ReplyDelete
  3. I simply got tears on my eyes when I watched the video's even though its not the first time for me to watch the second one.
    I feel so guilty because a lot of time I judge people from the outside and I don't give them a chance :( I don't want to be that person and I want God to help me look at the diamond that inside those who are around me.

    Thanks ya Maged for beringing the inner beauty out!!!

    ReplyDelete
  4. تسلم الجواهر اللى بتدور فى دماغك , افكارك جواهر فعلا

    عزه عارف

    ReplyDelete
  5. I am wondering why opera`s music makes people cry..??

    ReplyDelete
  6. WOW!What an article!You keep digging
    and searching and come up with diomonds;
    these posts.Very precious.Thanks Maged.
    N

    ReplyDelete
  7. so true Maged....check this one out..Jamie used to drive a truck by day and deliver pizza by night!! http://www.youtube.com/watch?v=91uauoeG64c&ob=av3e it's all about self-belief
    hey, don't forget to laugh at Amanda's troll face in that video LOL, hilarious

    ReplyDelete
  8. STUNNING ! Inspired me! =)

    ReplyDelete
  9. Good way of thinking ,thanks

    ReplyDelete