عالم التواصل الافتراضي طلع مش افتراضي...
طلع حقيقي قوي.. أوقع من الواقع.. وممكن تصديقه أسهل بكتير من حاجات حقيقية في
العالم "اللي مش افتراضي" حوالينا!
الدليل؟ إنه مستمر.. إنه عليه إقبال.. إن
الناس ماتقدرش تعيش من غيره.. إن الناس بتتكلم عنه (مش بس بتستخدمه).. إن الناس
بتتصاحب وتتخانق وتشتم وتتصالح وتوحش بعض وتنم وتبارك وتحذر وتنصح وتعمل كل حاجة..
سواء تويتر أو فيسبوك (الفيس على رأي البعض)
أو جووجل بلس فكلهم بيجمعهم شوية حاجات مشتركة "بتشع" بالواقعية (بتشع
قال!)..
مثلا: هوس ناس كتير بعدد الفولوورز أو
الفريندز في العالم الافتراضي..
ياريت كده بس.. ده كمان هوس الناس بإنها
تتريق على الناس اللي عندها الهوس ده.. لو لاحظنا هنلاقي إن تريقة الناس علي
"الهوس بعدد الفولوورز" أكتر بكتير من كلام الناس على عدد الفولوورز!
تريقة الناس على المستخدمين الجدد.. صورة
البيضة على تويتر اللي مش بتتغير.. صورة البدلة أو شط إسكندرية على فيسبوك..
الريتويت.. اللي يمكن من أكتر الحاجات اللي
مستخدمي تويتر بيستخدموها.. وكل ما الريتويتس يزيدوا كل ما ده معناه إن كلامي مهم
وله قيمة وناس ميأداني فيه.. وبيحبوا نفس المغني اللي باحبه.. ونفسهم يشتموا نفس
المذيع اللي مش باطيقه! نفس الكلام بينطبق على فيسبوك وزرار لايك.. وفكرة إن لو
واحد عادي كتب "أنا في إسكندرية" كام واحد يعمل لايك.. ولو حد مهم أو
بنوتة شكلها حلو كتبت نفس الستاتس تلاقي عدد ال لايكس والكومنتس عدد مهول..
شوف كده لما الناس بتتقابل في العالم
"اللي المفروض واقعي" على القهوة مثلا أو في الميدان أو أي مكان.. أهلا
بيك.. أنا أشرف أندرسكور 103... آه أشرف.. إزيك! أنا شيمو كعب الغزال 3! كما لو إن
حلم البشرية في إن كل واحد فينا يختار اسمه.. يختار هويته.. بيتحقق أهو..
في العالم العادي والافتراضي نفسنا يبقى عندنا
أصحاب –أو فريندز.. ناس موافقة على أفكارنا و"بتريتويت".. شكل مقبول
و"أفاتار" جذاب ومختلف.. "يوزرنيم" يعبر عن شخصياتنا..
العالم اللي المفروض افتراضي طلع مش! طلع
حقيقي قوي.. طلع انعكاس (كلام كبير) للعالم اللي بنعيشه.. للميول اللي عندنا..
صورة من إحنا مين وعايشين ليه وبنعمل إيه..
العالم ده مش وحش.. العالم ده أكبر دليل على
إن كل بني آدم مخلوق عشان "يحب ويتحب"..من ربنا.. من العيلة .. من
أصحابه.. من الناس اللي ليها نفس فكره.. من بلده.. من شريك حياته..
أنا ماينفعش أستهون بعالم "شكله"
افتراضي لكنه حقيقي بزيادة!
حقيقي أوي =)
ReplyDeleteHilarious ya Maged,I've been on twitter for 6 months and I'm n't really into it,I still prefer giving my time to my REAL friends as I love to call them,the ones I can phone any time and talk nonsense and they listen,the ones I can see their expressions,hear their laughs and cries and hug when needed,the ones I can be there for them when they need me,but even though,you are absolutely right!some people consider social media as real life and fulfill some needs doing so,if that makes them happy, why n’t?!!! I really enjoyed reading this post and I'd follow @shimoka3belghazal3 if there was one:D thanks a lot,you always rock!
ReplyDeleteI'm still for the real life, I think its related to the feminine side I'm attached to but at the same time, all my admiration and respect to the social media the magic of this generation.....
ReplyDeleteJoanna
Hahaha I liked the idea its awesome its like that we r making our lifves as we want the problem is being behind this and hide ur truth , amazing as usual :)
ReplyDeleteI loved it. Our Imaginary world indicates that may be deep down inside us we want to be better than what we currently are.
ReplyDeleteThanks Maged... you go guy