Saturday, July 9, 2011

خير اللهم اجعله خير


أفكار كتير بتحاول تفرق بين الإنسان من ناحية والحيوان والنبات من ناحية تانية...وفيه بعض الأفكار اللطيفة زي مثلا إن الإنسان حيوان ناطق أو الإنسان حيوان ضاحك وغيرها كتير من الفروق اللي بتحاول تشوف الميزة اللي موجودة في الإنسان وبتخليه مختلف...
في رأيي إن من الحاجات الكبيرة والمهمة اللي بتميز الإنسان هي إنه بيعرف يحلم..ما أقصدش بس و هو نايم...لكن إن يكون عنده آمال وتطلعات..أحلام وحاجات نفسه تحصل..أشواق لوضع أفضل..
مش متهيألى إن ممكن تمساح يحلم إنه يعيش حياة أفضل..أو مثلا قطة تبقى نفسها تخس..أو فار يبقى عايز يكون أقوى!!
لو لقيت نفسك بطلت تحلم..خاف..خاف لإنك ممكن تكون مجرد إنسان عايش وخلاص..
لو مش عايز تبقى عايش وخلاص..احلم..اتعلم تحلم..واقبل أحلام الآخرين..
عمر ما بلدك ماهتبقى أحلى إلا لو فيها ناس بتحلم...شغلك ممكن يتحسن لو بدأت تحلم..أسرتك هتحقق كتير لو بتحلم...
خليك فاكر إن الاختراعات كلها بدأت بحلم...العدالة في شعوب كتير بدأت بحلم...
احلم..ماتسمحش لحد يسخر من حلمك...شجّع اللي حواليك إنهم يحلموا...
لو لقيت كلماتك فيها كتير من: مش ممكن..أكيد لأ...مستحيل...طبعا مش هيحصل...- خاف قوي على نفسك لأنك ممكن تكون بتخسر حاجة من أحلى الحاجات في حياتك...
لو لقيت مفرداتك فيها: ليه لأ؟ ...ياريت...طب نجرّب...-يبقى غالبا انت مستعد لحياة أحسن...
احلم...

3 comments:

  1. This comment has been removed by the author.

    ReplyDelete
  2. elmawdoo3 ra2e3 ya maged bs leh shelt el comment bta3 ghadamagdi konna 3yzeen n2rah l2an leha examples mofeeda gedan zy mwdoo3 abo erdan?

    ReplyDelete
  3. Dear Anonymous , It was not Maged who removed the comment,It was me.I removed it coz it was too long... thanks for ur interest in reading my comments. Best Regards,Ghada

    ReplyDelete